餐廳記二
名寶石餐廳 旺角 太 子 道 148號
上星期 六同亞sa, jojo 去太子的名寶石餐廳食早餐, 這餐廳入口頗懷舊, 很像茶餐廳, 我們坐下看看餐牌, 才知道它走高檔路線, 早餐價錢大約三十至四十元. 食客多是一家大少的熟客, 招呼很好, 早餐份量充足, 有果汁, 多士, 主菜和coffee or tea. 最令人驚喜的是亞sa叫的牛排, size 像一般餐廳的主菜, 而且亞sa說味道很好 . 所以我們認為物有所值, 值得介紹給大家.
九記甜品佐敦白加士街53號地下
我和jojo 常常光顧的糖水店, 價錢便宜, 8-15元 一碗, 但材料絕不馬虎. 我最喜愛是綠豆沙和喳喳.
22 則留言:
D相係你上網搵定親自實地攝影架？
名寶石餐廳門口我就有去過，但真係未試過入去食野，下次有機會，都要去試吓先得。（乜唔係食早餐咩，點解Ah Sa食牛排ge？）
Ha Ha，Ronron可以週圍去食野，睇嚟精神幾好喎，繼續努力！（當然唔少得努力介紹Ｄ好野俾我地食啦）
係啦...我以為所謂既牛扒係好似美心那種什麼牛扒火腿餐咁啦...點知成個lunch 咁樣呀.....但係真係好少成到咁好食既牛扒架！
ah sa，可唔可以描述一吓食塊牛扒時既感受，等我地無得食都可以幻想吓嘛！
係呀係呀.....要好似"飲食男女"咁去介紹呀....
名寶石餐廳的香煎牛扒，肉質鮮嫩，肉味豐富之餘又沒有騷味，火侯亦剛剛好，薄薄的外層煎得透，固能保存牛扒的肉汁，內裏鬆化，不像一般被梳打粉過份醃製的效果，正！
Ah Sa,
東尼仔同bonnie傻o架, 你又陪佢地癲既 ?
真係在"耶穌裡你們是好朋友" :p !
搵日大伙兒一齊刷餐勁架啦！
今日RonRon去完PW檢查，明天可以化療
今日橫風橫雨仲要出街，小心Ｄ喎，不過好在有神陪住，都唔使怕！
ah sa，一個字 - 好！精彩既描述，我雖然未食過，但已知道此牛扒己非一般牛扒，烹調的手法亦別具一格，能夠享受此非凡的牛扒，實在是人生一大快事。一生總要豪一次，揾日一定要試試。
嘩哈哈~~因為我都係傻架嘛署長！唔好拉我呀~~~
東尼仔！搵日可以晏d 去食早餐，當食埋lunch，咁咪好似抵d 囉？！hahaha~
RonRon! 你好勁喎！紅雨+3號風球都可以出去，神的帶領真係犀利！明天要努力呀！星期六要見你架嘛！
ah sa 的描述真係精彩呀, 網上食評推介這餐廳的牛排鵝肝晚餐, 雖然我要誡口, 但聽到都流口水呀!
我明天會努力的, 我們要搵日大伙兒一齊刷餐勁呢.
好耐冇上黎探大家啦
我老人家尋日拉屎地
有兩日抖下星期五返新工
好見大家講得甘開心
明日就去試下先
Ronnie：
明天加油呀，遲d一齊食勁野！
Kaho：
下次Ah Sa口述既時候，你幫佢拍低呢d"充滿陽光既海灘"同"無限光芒"啦！
智叔：
星期五係邊頭返工呀？之前無聽你提過既？
kaho,因為bonnie要求『飲食男女』style既介紹，所以我寫的比較正經！但你的『伙頭智多星』style真係好傳神喎！講到仲好味過真實咁！
係啦智叔！去邊到返新工呀？我仲未試過o係新城市撞你喎~~~
又轉工！？今期去邊度發財呀，記得摸熟個場，然後帶我地去威喎。
Ronron，今日都要小心Ｄ呀，好鬼大雨呀，淋濕咗好易病架！黑...黑.......痴
原來kaho就係 - 味將軍
見到智叔竹的描述, 唸起天幕下的戀人的鄭嘉穎~~!
天呀! 幫我洗腦啦! 實在差太遠啦~~啦~
ronnie,
我好失禮你咩
哼
各位
我家下去左kerry
佢地係九龍灣都有好多地皮
其中企業廣場一至三期已經用緊
係出年第二季就有第五期
個名叫megabox
依家就籌備緊開張
由於重係地盤
我暫時個office就係第三期勒
個日去左名寶石
個friend條龍利柳成塊乒乓球板甘大
我因為咳無試到
但塊牛扒就真係好嫩口
最鍾意個忌廉湯
夠晒足料
近來少看，一看便是新風格 "飲食男女"feel.
由Ronnie及Jojo主筆，唔錯唔錯。
希望快些同大家大吃一餐,
hehe Ronnie & JoJo，下次有好野食，記住與埋我
順便update下小弟的學業，一開波數學就是教Brownian Motion(probability), Stochastic calculus, 真比A-Level那些數難得多！(hehe, 更可況小弟A-Level時是Bio Group，無讀過Pure and Apply Math)真是undergrad 都無今辛苦。要每天溫書！不過感謝神，公司有幾個PHD比我問數，有他們backup都無今驚！
又要努力工作了，大家共勉之！
振強！你已經好勁架喇！話你知！Brownian Motion(probability) & Stochastic calculus 我都唔知係乜黎架！原來係同數學有關架咩？哈哈哈~~~~加油呀！你實得既！
哈哈大鑊，我都唔識佢!知其姓而不知其所以焉！ but thanks! haha
間名寶石餐廳睇嚟真係不得不試喎，乒乓球板甘大既龍利柳，真係要見識見識。
Ronron，今個星期有無出街威呀，Ｄ天氣都幾好，可惜要返工，如果唔係出去行吓街散吓步都幾爽。
發佈留言