一百變一千
下星期二會開始新一輪化療，這次會用一般化療藥，副作用會比較大，又一次訓練自己的信心及勇氣。醫生吩咐我今個星期多吃東西，我想明天會去買朱古力和蛋糕。手術後復原很好，只需多做運動恢復左手的力量和活動角度。
靈修時讀到約伯記23:10 「然而他知道我所行的路，他試煉我之後，我必如精金。」天父時常會在我信心低潮時安慰我，叫我再一次相信並盼望他的應許。如果我想成為精金，在將來這段化療時期應該計劃一下，善用時間。
多謝各位生動的留言(尤其那位每一短句按一下'ENTER'的BLOG友，一百字的留言好像一千字一樣...)，令這個BLOG時常生生猛猛，熱鬧非常。不知船長何時會有宣佈呢？
14 則留言:
今個星期你就養好身子休息多d、訓多d、多d運動，還要食多d(最好連jojo個份都食左去，jojo就順便減肥囉)。
都會為你不斷禱告，支持你。
各位船民：
就快到星期六，即是話船長驚人公佈公告天下，到底會變成點，是不是皆大歡喜，
希望工程－”人人有軍曹”
當然仍然要”天天要靈修，日日擁抱神．．．
深信
多謝Ronron, 你的分享對我也是一個好提醒! 其實, 信心是可增可減, 但經得起磨練而來的信心一定很強! 大家一齊把握機會, 享受神的祝福! 所以, 每天不論是過得如意, 或不如意, 也得善用和接受磨練... 因為每天的時間得來不易, 最特別係... 仔細看時每一天是不會重複! ;-)
Ronron, 永遠支持你!
ronron, 你的分享令大家精神抖擻, 我相信大家都好勤力為你祈禱, 加油呀! 好多fans支持你架! 我都想探下你, 點知病左, 仲係重感冒,已經成個星期, 你都為我祈禱啦! 我想快d好番, 到時可以探下你 :p
Ronron，下星期二就開始了，相信要等候及面對真的很難，但記住呀，我地無論如何都會支持你架，時時刻刻都會為你祈禱，神一定會睇住你架！
（我最鍾意你o個句--每一短句按一下'ENTER'的BLOG友，一睇就知係邊個，精景！）
其實RonRon間中都幾梗下，要keep住“爬牆”鬆根。如果你有去醫院探過RonRon，就會有機會見過RonRon無端端走去玩“爬牆”。當然宜家係“爬山崖”啦。
Ronron,
雖然艱辛的日子又再來臨, 不過唔好怕啦, 您望下後面?! 幾多人支持您呀, 而最重要...您已經有軍曹隊長在手, 仲有隊長背後果D 靚撐住您嘛, 萬事皆可亨通! 呢幾日不妨食多D, 瞓多D, 爬下牆兼養足精神, 迎接週二既行動.
經過軍曹一役, 相信有意送禮至Ronron 的船友都會暗瓦底交收, 否則將演變成"第二次船友騷動"
每一短句按一下'ENTER'的BLOG友 :
點解今日唔見您起革命既?
莫非您已把軍曹放棄?
唔好呀? 限期快到, 船長好快會揭盅啦!
話唔定船長會將成箱軍曹搬返團契呀...
Oliver :
唔知船長辦公室外務部主管又係邊位呀?
叫佢醒目D, 唔好令眾船友起哄呀!
Celia,
嘩! 您確實嚴重, 要好好保重喎!
ronron, 好快就好番, 忍耐多一陣, 終點在望,
俾心機, 每日為你祈禱o
今日好番d喇! 好在聽日有d學生請假,
無咁多堂上, 可以訓多d, keekee......
coco星期日會返到香港, 大家都為佢平安
祈禱啦!
ronron, celia,
我每天都有為你們祈禱,祝你們早日康復!
CoCo,
也為你祈禱, 願主保守平安.
收工啦! 開始靈修了. 晚安!
Luke
昨晚看聖經馬太福音8-9章，講了很多耶穌治病的故事，雖然這些故事已經聽/看了很多遍，但我再一次看到那些病人的一個共通點，就是他們有『信』，他們的信心真的很大，希望我也學習到這份信心！
morning everybody,
我昨晚參予"數字爭霸戰",到晚上12時許才戰勝(只是要趕月結而已).但剛才發現 阿luke還晚過我,而且還可以靈修o忝,真另人佩服
阿luke你要好好休息呵!
ronron,
你要好好做運動,多吃些東西,多休息,自然可以去打仗,戰勝回來,知無?!
celia,
有時間的話,盡量休息,吃一些維他命c會好d
總之,keep住好body,日日健康d
小祥子與大長英
LUKE, 大長英& Celia, 大家忙於工作時，也要好好保重身體，星期日開始天氣又轉冷，小心點啦。KK星期日重要做伴娘，吊帶裙外加件羽絨啦，唔好貪靚啦。
各位的分享也時常能豉勵我，大家一同努力啦！
原來KK星期日做伴娘，唔知佢會唔會著Ｄ行山裝呢？
而家Ｄ咁既天氣，時冷時熱，又潮濕，真係好容易病，大家都要小心。（如果星期六日病就唔底啦）
早兩日太子女黎懊惱城行o左個圈
求其講幾句說話
就忙到家下
好開心見番個主角出場
多謝妳精警提醒
o甘(精)彩既情(景)都俾你捕捉到
我覺得人都有d習慣
慣慣下就不知不覺o甘做落去
其實最初係想偷懶
唔打標點符號
就係o甘
好似船長o甘呀
次次都有d野跟尾啦
如 ~~ >< -- 之類
有無諗過係咩野呀
我有o甘既睇法
佢地個樣陰陰濕濕有d奸奸地
加上經常出現係d唔起眼既暗角位
可能船長都唔知佢既存在
綜合以上種種分析
好肯定佢就係奸細啦
奸細身份之謎正式公開
大家歡天喜地等驚人風暴啦
我依家個朵長過長城番
署長
革命尚未成功
我點會放棄
一得閒我就會上黎攪攪陣
發佈留言