第＋二次化療
謝謝大家的關心,今日化療好順利,雖然未打針己經很累,不知為什麽全日都睡眼惺忪,只剩半隻眼在醫院遊來遊去.
醫生跟我商量日後的治療計劃,有兩個方案給我考慮,各有利弊,我們可以完成手術後才作決定.
真的需要從神來的智慧,無論是決定治療方案,或是在這段漫長時日的信心考驗. 近來心情也有點不安,可能因為做手術日子臨近,煩請大家多禱告支持呢.
而我也會每天為弟兄姊妹的代禱事項祈禱,大家互相関心幫助嘛.
2006年2月15日
訂閱：
發佈留言 (Atom)
謝謝大家的關心,今日化療好順利,雖然未打針己經很累,不知為什麽全日都睡眼惺忪,只剩半隻眼在醫院遊來遊去.
醫生跟我商量日後的治療計劃,有兩個方案給我考慮,各有利弊,我們可以完成手術後才作決定.
真的需要從神來的智慧,無論是決定治療方案,或是在這段漫長時日的信心考驗. 近來心情也有點不安,可能因為做手術日子臨近,煩請大家多禱告支持呢.
而我也會每天為弟兄姊妹的代禱事項祈禱,大家互相関心幫助嘛.
27 則留言:
ronron, 當心情不安時, 試下整下餅仔, 彈下琴仔, 唱下歌仔, 可能會放鬆d架, 繼續為你祈禱, 每做完一次chemo, 代表好快好番, 俾心機呀!
今晚靈修詩篇十三篇, 對我有很大鼓勵, 大家都睇下啦!
Ronnie,
雖然心情好似係濃霧之中，咩野都睇唔清楚，前面既路係唔係安全都唔肯定。但你記得我地係雲南時，係山上玩左一個遊戲嗎？
成team人都要蒙住眼，踏住前面既膊頭，咩野都睇唔到，只有排係最前頭既個一個人可以開眼，由佢帶路，比我地指示去避開所有障礙物去到目的地。當時我地同樣帶住戰戰兢兢的心情，最後都能夠順利完成個遊戲。
係我地睇唔清楚既時候，就只有用信心去行，靜心去倚靠，唔好忘記，今次係前面帶路既，唔係第二個人，而係個位最有能力，最愛你既天父帶你去行。唔駛驚，佢最明白你既心情，佢一定有辦法帶你平安經過今次既旅程。
Ronnie
你要有信心呀! 當第一日開始為你健康祈禱既時候,我都驚自己第二日,第三日或一個月後仲會唔會記得為你祈禱,都驚自己會忘記,但我至今無一日忘記過為你健康祈禱,所以你要努力同更要有信心, 身邊都有大家支持你架.
candy
Ronron，無論怎樣，我地都會支持你的。雖然你站在最前線，承受的也最大最重，但我地會無時無刻的在你背後支持著你，你一吹雞，我地就有成村人咁多的大軍支援，當然，最重要是神在我們中間，做我地既總司令啦。今個星期要好好休息，預備好心情去做手術，我都會努力祈禱架喇！
我上次做手術前心情也很不安和緊張,害怕有一些很壞的事會發生.但你要知道人生本是我們不能控制的,唯有仰望主,把自己全然交上.一天的難處一天當,主會引領你明天的事.每天做一件開心的事.今天天氣很好,可出去走一走...(海港城正減價)...
雖然今天天氣很濕,相對濕度有成94%,仲有霶添....但神就是那位創造天地萬物的主,願你更依靠祂,祂能看透萬事,祂必保守你...
不用怕,只要信
撐'恆'你!
小祥子與大長英
今天一上Blog, 看見弟兄姊妹只為一件事, 為要守望並鼓勵RonRon, 真係好同心. 每一個的分享；表達都帶著鼓勵和支持, 合成一幅好美的圖畫。原來神叫我們學習"不要單顧自己的事，也要照顧別人的事" 是非常真實，因為愛都是從神來的...
RonRon, 各人都在支持您又為您祈禱. 放鬆一點, 只要相信神, 他會關照著您!! 您呀...比麻雀還要貴重, 您的天父又怎會不看照顧和保守呢?
今早外出時有春回大地的感覺, 如果不太累可以外出走走, 幫我地去海港城睇下仲有冇"月下貨"啦...
bonnie
我地幾時玩過呀
唔記得o左添
ronnie
我都好怕這種大粒墨(dilemma)既狀況
係尼種進退兩難既情況
更是無所適從
可以既話搵d好叻分析既朋友幫手
記得paul話弟兄姊妹係我地既資源
用得唔好浪費
CANDY
3點幾仲上緊網
後生可畏
佩服佩服
海港城的月下貨己掃得七七八八，暫時都唔敢出沒廣東道一帶，唔係屋企都變大雜物房啦。
今朝睇你地嘅留言真係眼水都標埋，任何人都需要咁嘅支持。我會努力呀！
牛奶妹,
呢幾日能見度咁低,我都心情唔好啦! 好無mood呀!懶下,懶下!咩都唔想做咁!手術既事,都知道好難話唔擔心既,盡量放鬆自己啦!
"你們看那天上的飛鳥,也不種,也不收,也不積蓄在倉裡,你們的天父尚且養活牠。你們不比飛鳥貴重得多嗎?你們哪一個能用思慮使壽數多加一刻呢?" (太六26-27)
都係果句啦, 努力求神....賜我力量,在上帝面前祈望賜力量.......^0^
Ronron，唔使怕喎，即管出去行行，你屋企唔夠位擺，我屋企都有少少位喎，可以放o係我度都無問題。
Pockyfish，唔好唔記得Ｄ等住灌錄的網絡詩歌播！！係咪諗住遲ＤRonron好番傾傾膊先！？
楊智,
上次同班大專生去camp(仲係個度認識你既同房Palu)，Patrick叫我地分了幾組上山既，係上面玩了幾個蒙眼遊戲嫁，呢個係其中一個呀。
Ronnie,
我們愛，因為神先愛我們。你看到弟兄姊妹對你既關心，其實都係源自神那份愛，他既然能透過我們帶出他的愛，也能夠直接將平安放在你心裡，願你每一刻也能感受得到。
Ronnie,
想到一首美妙的詩歌 ~不變以馬內利~, 就送給您啦 :
以馬內利神同在不會終止
以馬內利無懼世事改變 幾多
祂必與你一起 與我一起走每一天
相信在這一刻 以後每一刻也沒改變
以馬內利就算漆黑鋪天際
深深相信 是神仍必與共
以馬內利 以馬內利 教我心仍然相信
以馬內利 以馬內利 定會念記 ...
:) 無論景況如何, 神都常與您同在 !
RonRon,
When I ran the half-manathon, I was very excited and relaxed at the very beginning. After having finished nearly half of it, I felt very tired and exhausted and wanna to give up. However, I knew that I was not alone and there were a lot of runners going with me aiming at the same goal. I told myself that if he/she (sb older and fatter than me) could finish it, I could aslo finish it as well. Well, I did it and you could do it too....don't be afraid and be strong, you have a lot of runners going with you!!
Sure, I want to be the runner with you too.
Remember, you have so many matches to bright you in many new days. Just take it as a term break, to think, to rest, and will start again.
Hi Hi to all,
天氣又轉涼了,快穿多件衫啦!
ronron, 雖然外面天氣涼了,但我們心仍是暖的....因有神的慈愛嗎!
小祥子與大長英
今日真係涼咗好多，唔講得笑，著少件衫都唔掂，大家都要小心！
署長都應該要加入到等住灌錄的網絡詩歌的list裏面喎，網絡管理員唔該做野。
今個星期長週，所以今個星期五唔係咁Happy，唔係Happy Friday，日日都要咁早起身，想瞓多陣都唔得 :( ！
嘩！聽Kitman既描述，都幾驚心動魄，差Ｄ要上新聞，好彩最後都可以完成。
明天馬可要去城門BBQ, 朝早9:30 荃灣集合...天氣轉冷, 又話落雨...唉! 東尼仔,所以我同您一樣都唔係咁HAPPY 炸 ...
希望明天有小許的太陽, 令大家回復生氣 ! "希望在明天嘛"
請多多禱告, 唔該!
等我分享下我d開心既事啦! 今日我買左部新手機, 用舊機trade in, 部機都值$500, 咁我就買左部samsung摺機, 只係加多$350就有部新機, 好開心呀! 雖然無得影相, 但佢都好靚仔架!
各位早,
我昨晚在公司ot到10時(也在星期四晚ot到9時),現在簡直是熊貓托世...所以,昨晚的執事,堂委等的新春團拜都無得去...真慘...我呢個狀況都唔知幾時可以解決????請為我的前路代禱啦!
大長英
大長英，下次要果再要OT，記住帶個eye mask返去，一路OT一路咁做(mask)，應該會有少少幫助。（不過唔知夜晚會嚇親Ｄ同事呢？）又或者可以叫埋小祥子上公司度陪你嘛。
署長，嘜BBQ咁開心呀，不過記住唔好食得咁盡，雖然話結咗婚o者。
Celia，記得show吓個新手機俾我地見識一下喎！
今日公司D人要上Training，老細又放假，感覺都唔錯，又夠清靜，如果日日都係咁就好囉！
Hello,
好勁呀,今日都有上0黎睇下!係屋企聽到出面0的風勢好犀害呀!大家有無著多件衫呀?好好保重呀!牛奶妹,妳張電毯有無再出動呀?呢幾日點呀?無聊嗎?得閒既,咪攞番我地果本祈禱簿出0黎睇下0的人既低能樣同我果張靚靚菠蘿相囉!都應該幾開心0架!
記住呀:"喜樂的心乃是良藥呀!"仲記唔記得妳好攪笑既笑聲呀?我好似好耐無扮0勒!哈哈哈!
仲有秀慧呀,妳既傷患點呀?我都會多為妳祈禱0架啦!小心保重啦!
Ronron,
你好嗎？昨天見不到你呢，最近我看到這句經文，很是喜歡：
『信就是所望之事的實底，是未見之事的確據。』(來11:1)
願這句經文能加添你的力量去渡過這次經歷！
今晚我個部門要Annual Dinner，唉！去埋Ｄ cheap cheap酒樓，又夜開始，但又唔可以唔去，真係慘過嘜！！希望今晚可以早Ｄ走啦。
Ronron，你好快可以好番喇，努力呀！
我都有Ｄ擔心阿秀慧既情況，希望你能早日康復啦，我都有為你祈禱架。
今日 星期一 天晴 溫
你o地好呀? 不要為昨日的事而眷戀或慨嘆, 要為今日活得平安快樂而感恩!
笑一笑, 世界更美妙!
東尼仔
今後的Annual Dinner米當係為自己預先慶祝生日wor....有野照食,有野就飲.. 一於好了里... yeah!
ronron,
你要加把勁,雖有困難的時候,但充滿恩典慈愛的神是知道的..所以,你要努力啊!
小祥子與大長英
發佈留言