主的恩典是一生之久
近來心情有点緊張，有似就快放榜一樣，有時會少了信心，心靈軟了下來。
這時候很喜歡聽一首歌，副歌歌詞是這樣的:
啊 我心不住讚美
啊 我靈不住稱謝
一宿雖有哭泣 早晨必歡呼
主的恩典乃是一生之久
上星期日午堂講道，師母說「自由」不是取決於肉眼看得見的束縛或放縱，乃是在於我們是否有「能力」去選擇最好的東西。有些人被錢束縛，他沒有能力去選擇更好的東西。主己給我能力去選擇信靠衪，願我能信靠衪到底。
2006年1月10日
訂閱：
發佈留言 (Atom)
近來心情有点緊張，有似就快放榜一樣，有時會少了信心，心靈軟了下來。
這時候很喜歡聽一首歌，副歌歌詞是這樣的:
啊 我心不住讚美
啊 我靈不住稱謝
一宿雖有哭泣 早晨必歡呼
主的恩典乃是一生之久
上星期日午堂講道，師母說「自由」不是取決於肉眼看得見的束縛或放縱，乃是在於我們是否有「能力」去選擇最好的東西。有些人被錢束縛，他沒有能力去選擇更好的東西。主己給我能力去選擇信靠衪，願我能信靠衪到底。
20 則留言:
不要擔心咁多，神必保守你到底，弟兄姊妹會支持你
「應當一無掛慮、只要凡事藉著禱告、祈求、和感謝、將你們所要的告訴神。神所賜出人意外的平安、必在基督耶穌裡、保守你們的心懷意念。」腓立比書4:6-7
學習是一生之久，願神給我們有一個堅定信靠祂的心，去學習並完成祂每次給我們的功課。可能當中會有一些比較難，但祂講過，祂給我們的試練，是我們能夠承受的。所以呢，不用怕！
今朝請了半日病假，都不錯啊！其實是老細叫我去睇睇醫生，可能是怕我傳染給其他同事吧，所以叫我下晝先返。
我都緊張呀。又想知見工成唔成，又想知Ronnie依家係點。仲有好多好多野想知呀！
我地都好緊張架，有結果記得第一時間通知我地。
記得！記得！記得！......
我地都好緊張架，有結果記得第一時間通知我地。
記得！記得！記得！......
祝大家也學習到"專心等候"的功課,神已給我們"自由"的能力，要好好運用呢！
Bonbon，你今日好似生日喎，祝你生日快樂先。
今日天氣暖了很多，穿多了衫，有點熱，不過也很好呢，不用縮吓縮吓咁慘。
JoJo，向外母學識整肉骨茶咪呀，到3rd In時攞埋去俾個阿ger，肯定有分加！
早呀!
呢個玻璃窗,唔駛訓0架!成二點幾都仲留言,今日生日呀,又老一歲0架啦,唔好以為自己仲後生先得架!
牛奶妹,
妳起既題目好好呀!主的恩典是一生之久!好多時我地遇到困難就會諗神唔知去0左邊,成日都俾困難蓋過晒神,好似果陣彼得要係水面上行一樣,一開始只係好驚望住個海,結果就跌0左落去,但之後佢既眼再定睛係神度既時候,佢就可以行到去神到啦!好犀利呀!讓我地一齊去學啦!將我地既focus擺0係神度,咁就無有怕啦!
心情可能會有0的緊張,放心啦,我地會backup妳0架啦!"祈禱雲便散,黑夜便白晝!"
RonRon,
我們的主是真實和可信靠的...正如我初初去接受執事這個事奉一樣...也要憑信心啦...
本來我也可以用"小祥子與大長英"的名字...但可惜我忙了個密碼...(下次再用)
bonnie....祝你生日快樂...eq爆登...
Yvonne
喂Pocky！Backup埋我呀！
果汁先生，你放心啦！我地當然會Backup埋你啦！雖然你大大隻，但係我地都撐得住㗎！哈哈！
Bonnie 生日快樂！
早呀!
昨晚我臨睡前想起一件事... 星期一晚, 我到九浸去聽張德培的見證, 那晚我懷著十幾歲的心情重遇偶像, 真有點興奮! 不過知道里個場合是有特別意思的, 要behave! ;-) 當晚, 場面很“hui hum“, 當中都有不少佢的球迷! 不過, 佢的見證都好感動, 特別想同ronron 分享!
佢講了一個廿五年前在中國內地的婆婆患了cancer, 那時醫生已說沒有什麼藥可以幫到佢, 於是婆婆留在醫院一日一日的過. 有日, 一位院內的牧者去到佢床邊, 問: 你願意我為你祈禱嗎? 那婆婆心想, 聽o下亦無所謂. 祈禱完後, 那婆婆出奇地感到一份平安. 那日後, 婆婆日日都從牧者口中聽有關耶穌的事跡. 過了不久, 醫生發現那婆婆的cancer 竟痊癒了! 於是, 那件事後, 婆婆所有的家人都信了主, 而這個見證亦一代傳一代! 那位婆婆正是張德培的曾祖母!
ronron, 我深信主必在你及家人身上行事, 必蒙福!
bonnie, 生日快樂!
對，是平安呀！
張德培同我同年架！（註：老啦。。）
Please pray for my 8th chemo tomorrow. We should trust God that he will prepare the best for us.
O甘即係張德培同我同年?
人地都已經退休
我地就繼續營役
點都好
bonnie 生日快樂
ronnie 明天會更好
ronron,
有人說: 奇蹟出現在信奇蹟的人身上.
我們見: 神蹟出現在信神蹟的人身上.
Pray for you always! May god bless you with peace and good rest.
多謝各位的祝福，但願大家天天都快樂。
Bonnie,
Happy Birthday!
Ronnie,
You have done your best, and God will do the rest. Just relax and tomorrow you will be fine.
Mr juicy,
我只係打留0左個"地"字0者!我當然係backup你地兩公婆啦!今日再一次出發打仗,累積0左咁多次既信心,今次應該比過往更有信心啦!我地都同你地一齊0架(心靈上)!努力!加油!
牛奶妹,
放心啦,神會將對我地最好既野俾我地0架!雖然經歷既過程有難度,但我地有神嘛,YOH! 仲駛咩驚呀!"靠著耶穌得勝,靠著耶穌得勝,終此生要靠主愛去得勝!不必驚怕錯敗,確知主恩更廣闊,是你帶領著我得勝!"
點呀pockyfish，一早就唱歌，心情好好喎！
智叔，無辨法啦，我地Ｄ嘍囉係咁架喇......
Ronron，今日你又嚟到風景優美，地靈人潔既沙田區，可惜要返工，如果唔係，就帶你去遊覧一下沙田區（當然包括馬鞍山）的名勝古蹟（不過有好多我都未去過，所以唔識去）。一係等你好番，我地先再去，而家要努力温吓書先得。今日努力呀，大把人支持你架，如果等得悶，可以打電話俾我地吹吹水喎。
發佈留言