OVER! OVER!
over, over, 真唔好意思,遲遲先上Blog, 昨晚睡得很好，由十二時睡到今早九時(冇食藥呀!)
你們的留言真攪笑，又話見唔到樣的更生會，重量級粿蒸糉，飛圖式MV，重有醫學專欄，樹葉型的女子，過大海Marathon，過大禮相，令我在家的生活變得多姿多彩，真是有一個五星級的家，五星級不是在乎家居配套，是在乎心靈與生活質素嘅。
我都想看Grace推介的"活在死亡前"，方便的話 Karen 或 Grace 可以借給我。
今日飲了Karen推介的奶粉，味道還可以接受，遲些可以飲多点。還有型仔阿SIR送的電暖毡(原來真是很好用)，家姐送的鷄仔嘜，送來的時間真是剛剛好，謝謝你們的安排。
20 則留言:
放工前都趕得切睇到個新Post，終於可以做第一喇！
好野喎，唔食藥都可以瞓到九點鐘，有時我都唔得呀。但係即係有無得食地中海呀，我想快Ｄ有得試呀！
Tony
正如RonRon一樣, 唔食藥都可以好好訓,正當智叔跑緊港珠澳大橋的時候, 周公才離我而去, 留下的, 只有未曾帶上的號碼布及未曾翻過的路線圖, 小弟惟有再遇周公, 直至未時。
咁又奇怪喇，乜智叔同阿伯唔係瞓埋同一間房咩？点解智叔唔踢醒阿伯呢？究竟這兩位人兄喺澳門攪乜鬼？兩位老婆駛唔駛審吓依單懸案？
有空的, 多談談, 談感受, 談開心, 談擔心, 談愛情, 談..., 因為最能貼心的支持是無顧忌的分享,包括你, 包括我, 在分享的路上便不覺孤單
grace
嘩嘩嘩... 姊妹們真係心水禁清啊!! 兄弟們真係要多加提防, 不可行差踏錯啊. ;-)
獅離呀,今次真係要小心個衰業主啊.. 可能搞下搞下個兩個月租都比個業主敗矖! 不如諗下找個律師幫下手喇... 唯有為你祈禱喇 ^o^!
多事干的尼遜 ^0^
今晚祈禱會，大家也為你禱告感恩呢....^v^
今晚唱了一首歌"若然沒有你"，其中歌詞說：
若是沒有神
這世界會消失盼望
若是沒有神大愛
又怎可走過傷心苦痛的歲月
領詩的林姑娘問，神的愛叫我們想起什麼？那一刻諗唔到D實質野。但掉轉頭諗，如果無神的愛又會點呢？
慘啦，即係人地有需要時唔會再幫手；人地唔開心時唔會再鼓勵；人地做錯野時唔會再包容；有困難時更加唔會有盼望、有勇氣去面對.....
真感恩我地可以有神的愛，互撐互勉呀。能夠擁有這份愛不是理所當然的，大家要好好保存呀。
ronron, 真係好開心聽見你話訓得好, 我好乖架(哈哈...自己讚自己), 每日都為妳同jojo祈禱, add oil !
我諗個業主呢兩日會俾番d按金, 因為阿伯教我用絶招, 應該會好快解決, ^^
牛奶妹,
早晨呀!飲0左木瓜奶咪呀?
好開心聽到妳既生活咁充實,分分鐘鐘可能忙過我0地"tim"呀!
尋晚我因為要趕交book report既關係, turbo咁睇完本書, 今曰起身照鏡覺得好有妳老工既影子,就係見到一隻panda啦!跟住都唔敢多照鏡啦!
今日暖0左少少啦,可以的話,去活動一下啦!
一天既工作或者係活動又開始啦,享受每一日活在主恩中啦!
Pocky
今日真係暖咗好多，真的很不錯啊！（神的恩典真是非常豐富）
Celia，咁咪好囉，遲Ｄ可唔可以講吓阿伯教你用嘜野絕招呀，等我地都學吓野。（攞返Ｄ按金之後先講，廢事你個業主上嚟睇到，諗到辨法去對付你）
今日暖咗，咁Ronnie咪可以做多Ｄ運動，例如落街呀咁啦（可以順便去Shopping，你屋企咁方便，），揾Ｄ無咁多人既時間，一來可以避免人多，二來少Ｄ人可以有多Ｄ時間揀野買野。(JoJo唔好話我阿，我都係為咗Ronnie好咋）
今日心情不太好，因今早睇完場波，曼聯輸鬼咗，搞到無晒心機......
喂cison，
你係咪係公司上網呀?
JoJo, Ronnie 午安，聽到妳有食藥都可以好好訓真係好開心呀!神 萬歲...
Tony,唔好唔開心啦，曼聯時時都輸波架啦!哈哈!
Pocky,我都開行 turbo做功課有幾天呀，但訓覺對我來講太重要 la，所以訓咗先算。不過，感恩兩份功課都完成啦!
oh,我打錯字，應該係冇食藥先啱呀!
曼聯輸波，今我也心情一沉
但係諗下
都係好既
我好想炒費格遜law
依家劇情係照呢條線去緊
早幾日過大海跑半馬
時間為1:33:08
比預計慢3分鐘
比冠軍1:16:07
都只差17分
都算收貨咯
但距離3小時跑畢全馬的目標就......
要加強訓練啦
我有乖乖地為ronron祈禱架
ronnie 妳都要有鬥心呀
半馬？起碼無咗半條人命。同冠軍差17分鐘好少啫，努力Ｄ應該可以追到的，別灰心啊！
無錯，瞓覺真係人生裏面一樣非常重要的東西，一定要爭取，好似有Ｄ眼瞓添......
Tony
相信阿伯都係咁想！
嘩！我都係半日無上來.....點解甘多留言。
原來話甘快就聖誕了，各位有咩聖誕願望？又想收到咩聖誕禮物呢？
我尋晚都有問Frankie想收咩聖誕禮物，(當然我知佢唔會答我啦...)點知..方生係後面答我..『Frankie仔緊係想要你買多D骨頭比佢啦..』
今個星期六係樂施會的BIG NOISE DAY (要求公平貿易)，我返唔到來啦...星期日又唔知可能有咩要我幫手...
不過星期日我一定返早堂啦..大日字啦！
支持大日子！
June,
你問大家想收到咩聖誕禮物，係唔係想買比我地，順便慶祝方生受浸呢！ 我怕呢度好快會爆晒，個個都將要既野寫低呀.........哈哈
Hi RonRon,
Glad to know that you can have better sleep. Keep it up. Will keep you in my prayer!
Trust in HIM...
喂，都無人答我..woo..即係大家都無啦
發佈留言