第三次化療之後
各位好! 現在由JoJo報導一節Ronnie之最新消息。
今早出門時“有人”發覺漏了帶覆診信，遍尋不獲，焦急如焚，無奈只好硬着頭皮去醫院。
去到醫院搞了一輪先登記到，跟住一等就等到一點半，先至見醫生。醫生話除咗白血球低咗小小，其他都正常，唔駛担心。
跟住去咗醫院Canteen食咗飯，上番去做化療，做到四點幾，牧師車我地走。牧師真係好鬼好！大家都好鬼好！（刷鞋；P）
最搞笑係Ronnie今早抽血時有人叫佢申請傷殘津貼，所以食咗飯就去醫院間社處申請。咁大人都無諗過申請呢家嘢！
註：唔好問我“有人”係邊個。。。
21 則留言:
雖然今朝又凍，又有少少波折，但也好感恩呀，仲可以申請傷殘津貼，要記住神的恩典呢！
哈哈，有少少“意外”先至深刻ga ma
還有交左甘多年稅，有老政福利緊係要用啦..
唔好好似D公務員甘..傻走去白白往了3天私家醫院啦...HA HA
哈哈，邊個係匿名者呢？點解唔見智叔留言嘅？智叔又跑第幾呢？
今日完成化療返到屋企瞓咗兩個鐘，而家都好精神，多謝各位"各就各位"地為我們祈禱，雖然有少少蝦碌(今晚會對爆料JoJo好D, 哼!)，但有主的帶領保守。
Ronnie,
打完仗, 早d休息, 唔好捱夜啦...
剛email 左兩張"過大禮相"比您地喎, 叫小蟲爸check o下.....嘻嘻
明天見 !!
大家都要多穿衣服... 一齊健康的同ronnie打勝仗!
有本好書介紹俾你呀, 每次有朋友在病痛中, 總會送這本"大吉利是"的書給他 "活在死亡前" , 好正嘅書; 是實上,我們每一個人都站在這條線上, 可能是我在前你在後而已, 這星期托以利沙團友取給你,
團友們若好好支持Ronnie, 不如就和Ronnie一起睇(挑戰下你地), 一起體會這生命教育. ok!
grace
今天真是很冷！ronron，你有沒有著到成隻糉咁呀！唔洗驚！仲有隻重量級粿蒸糉可以攬住黎保暖！呵呵呵~~~
ronnie,
為你一整天的行程感恩, 好好休息, 訓多d, 食多d, 做一隻專業的豬仔, keekee......
:D
牛奶妹,
今朝又好辛苦先上到0黎留言! 係咪因為太多0野0係度呢!
我幻想到"有人"好慌張咁搵0野個樣! 哈哈!
尋晚有無覺好"訓"呀? 我就無啦!因為對腳"訓"極都唔暖呀!可能要好似妳話事仔-要買暖腳貼呀! 好好休息下啦!得閒就icq下,傾下計啦!
Pocky
JoJo, Ronnie早，各位早,
今日終於上到網啦，昨天無得睇都唔知ronnie情況。今日睇番真係感謝主的保守呀!
Ronnie訓咗一晚，今日係咪又精神啲呢?不過天氣凍，要著多件衫保暖啊!
這裏好像已成為爆料專區，要收料就真係要嚟多Ｄ！
佳美的彩虹講咗咁多專業既術語，我有些不明白，建議可在佳美的彩虹的Blog內增加一個專欄，專門講解醫療的用語，使我地這些對醫學常識一知半解的人能有更深入的認識。
署長，方唔方便send埋俾我睇吓呀！
至於睇書呢，的確是一個很大很大的挑戰（只希望不要太厚啊！）
果汁先生，唔知點解最後都send唔到俾你，唯有放落隻ＣＤ度俾你啦。
你又點呀Ronnie姊妹，好好休息喇，出面凍呀，如果有野要買，就揾你屋企個南亞裔人仕落街買就得，唔使自己落街咁凍。
（可能打得比較長添，大家唔好介意呀）
這兩天真的好寒冷呀........幸好有弟兄姊妹的熱情包住以利沙團.....感恩呀!!!!
大家也為我祈禱啦, 又是隻右手law, 7月扭親後都未好番, 這兩天又覺得抽住抽住禁, 可能轉天氣影響掛.....
長期病患的Bonnie ^v^
非常同意東尼仔的建議，唔該係佳美的彩虹的Blog內增加一個醫學專欄，我地都要增值架。
署長, 我也想分享你地既喜悅呀....send埋比我啦.......
今天又是新的一天，大家都要加油努力呀!
Bonnie,
我建議你都申請傷殘津貼啦！
嘩你地真係好早...woo..
JO JO今日home office woo..你會煮D咩比ronnie食先？
唉！無嚟逛一日啫，真係要花一D時間update 吓。
阿伯究竟係馬拉松當日發生嘜事呀？阿伯可唔可以快D蒲頭敘述事發經過，又或者匿名者爆多D料啦！我估好多人都想知多D。哈哈！
Bonnie,妳隻手係咪未好返嫁？7月到而家仲有抽住抽住禁，好似唔係太正常喎！(我個人認為) 如果情況持續的話，妳再睇多次醫生啦！
做咗匿名者tim,我係Coco呀！
Home Office 都要做野架!
Jo Jo ..
我知你可以一路做野一路煮野比ronnie食ga 嘛..你身手了得啊！
匿名者Coco ^v^,
我都諗住再睇下醫生, 希望有轉機啦!
ronnie, 咋晚訓到好嗎? 今日都凍凍地, 著多件衫仔, 唔好凍親o
昨晚我好慘呀...晚上交鎖匙俾業主(愉景新城), 點知佢話屋內好多"小強", 又話窗口開關有問題, 唔俾番d按金, 佢話要搵滅蟲公司, 同埋搵人整窗, 仲話要我俾錢, 攪到好麻煩, 後來問了阿伯的專業意見, 依家同佢撐到底, 但我有d"林謝謝", 希望快d攪掂件事, 請大家記念o >,< ....
發佈留言